...Le jukebox...
.....Le
jukebox.....
...
...ARCHIVES...
...ARCHIVES...
| musique, musique concrète,ambiance, fractale, son, bruit, samples, mp3, streaming |
| La même chose en FRANCAIS |
| D'an 18 a viz Du 2007 Ce site est mis à semaine tous les jours. |
| Ar
sizhun tremenet e lavaren deoc'h e kounnaren ouzh skipailh Free.fr
abalamour d'ur pajenn eus o lec'hienn a oa aet da get. Ar
sizhun-mañ e vefe ret din lavarout on plijet o welout ar
bajenn
deuet en dro met ne rin ket. Perak e oa diposubl lenn anezhi ar sizhun
tremenet ha perak eo posubl ar sizhun-mañ ? N'ouzon ket, ur
burzhud marteze... Mat ! Echu gant se. Lodenn ziwezhañ ar rummad "Kan Ha Diskan". Div ganaouenn hag un ton akordeoñs... |
| Paotrig Koant Tennet eo bet an ton-mañ eus ur CD gant Yann Fañch Kemener o kanañ ha kanerien all o tiskanañ. Erik Marchand eo an hini a ziskan en ton-mañ. Marc'hadour Un ton all gant ar C'hoarezed Goadeg. Soñjet 'm boa envel anezhañ "Mouezhioù ar baradoz" met n'em eus ket graet. Evit un ton all e vo... |
| Mat eo evit ar poent. Warc'hoazh ' vo gwelloc'h... Kasit ur mel din. Kenavo. |
| D'an 11 a viz Du 2007 Ce site est mis à semaine tous les jours. |
| Kounnariñ a ran
on ouzh ar skipailh "Free.fr". N'eo ket ouzh ar c'henstagadur
iñternet ha a zo mat a-walc'h (N'eo ket gwashoc'h eget ar re all
da vihanañ...) met ouzh al lec'hienn Free hag ouzh o doare da
verañ anezhi. An holl re hag a zo liammet gant Free a oar eo o
lec'hienn ur bordel bras, diaes tre e vez kavout ar pezh e vez klasket.
Ouzhpenn-se e vez cheñchet al lec'hienn ingal (n'eus fozh
pegoulz a vefe gwelloc'h) ha bewech eo ret adkavout an hent a ya da
respont ar goulenn emaomp oc'h ober. Ar wech-mañ eo bet ijinet un dra nevez ganto : Serriñ ar bajenn stadegoù hag a ro d'ar saverien lec'hiennoù (ar webmasterien...) da c'houzout pet den 'zo deuet, deus pe bro e teuont, pet mega-octet 'zo bet pellkarget hag all... Plijet e oan o welout e oa muioc'h mui a dud o tont d'am lenn ha da selaou "ma" sonerezh. Un mil den bennak e oa bet ar miz tremenet. Ar miz-mañ ne ouezin ket. N'eo ket gwall strik met hegasus da vat eo. Mat. Kendelc'homp gant hon "remixoù" Kan Ha Diskan. |
| Andro Poch Bras Tennet eo bet an ton-mañ eus ur CD gant Fabrice Lothodé, Jean-Yves Cadudal, Yannig Audran ha Dominig Mahé, "Poch bras ha Sac'h vihan" e añv. E digoradur e c'heller selaou trouz daoudroad ma merc'h o tañsal goloet tamm ha tamm gant hini un dañs Flamenco hag huchadennoù kanerien Flamenco. Son ar pilhaouer War 'm eus lennet e teu an ton-mañ deus Menez Are. Ar wech-mañ eo me an hini o kanañ. Gallout a reer klevout mouez Mark ivez. Ur ganaouenn ordinal eo, n'eo ket kan ha diskan da-vat ha n'eo ket un ton dañsal kennebeut... Perak emañ an ton-mañ e-touez kanaouennoù Kan Ha Diskan neuze ? Perak e plij din. Rak-se eo. Ur gwir abeg, neketa ?... 05-Son_ar_pilhaouer.mp3 -6553 Ko (La chanson du chiffonier) An amzer gwechall
06-An_amzer_gwechall.mp3 - 5288 KoHa setu Mark Kerrain en-dro. E-unan o kanañ ha Diskanañ. N'eo ket bemdez e klever unan bennak o lavarout e oa an amzer tremenet "Memes tra, Memes tra" hag hiziv... Gwisket eo kan Mark gant gitaroù deus bro Spagn ha tammoù sonerezh (sample e "galleg "!?) deus bro Moñgoli. Ur beaj bras eo dindan teir vunutenn bennak... (Autrefois) |
| Mat eo evit ar poent. Warc'hoazh ' vo gwelloc'h... Kasit ur mel din. Kenavo. |
| D'an 3 a viz Du 2007 Ce site est mis à semaine tous les jours. |
| Goude
bezañ beajet (dre sonerezh...) e-pad ur pennad brav em eus
soñjet e vefe mat, pe furoc'h, mont en-dro d'ar ger da
zikuizañ hon divskouarn gant flouradennoù kan ha diskan. Ul labour eo am boa graet daoù vloaz 'zo : Gwiskañ kanaouennoù Kan ha diskan. Kroget am boa gant ur c'hasedig enrollet gant Mark Kerrain. Ne oa ket kan ha diskan da vat peogwir e kane ha diskane e-unan met flour a gaven e vouezh (daoust d'ar son bezañ lous a-wechoù) ha sur e oan ne vo kudenn ebet gant un aotre bennak. Met buan e oan bet dedennet gant kanerien all evel Yann Fanch Kemener pe Ar C'hoazered Goadeg (Kement hag ober... pa vez ar re wellañ dindan ho torn...). N' em eus ket goulennet an aotre diganto evit poent, ober a rin ha gwelet e vo ar respont. Marteze e vo ret din tennañ ur ganaouenn pe zaoù... |
| Me ' m eus un ti Me 'm eus un ti e ker Pondi. Ha perak ne vefe ket e New York City pe e Nagazaki ? Kanet eo ar respont gant Mark Kerrain ha lakaet em eus ur blazig "rythm 'n blues" da wikañ e gan Daoù bichon yaouank Gouzout a raen e oa ar C'hoarezed Goadeg kanerezed a-feson met goude bezañ labouret e-pad eurvezhioù gante o selaoù pizh o mouezhioù em boa komprenet. Pegen ingal e oa al lusk hag resis an ton ! 01-Daou_bichon_yaouank.mp3 -4021 Ko (Deux jeunes poussins) An inkane gwenn Ha setu Mark Kerrain en-dro. E-unan o kanañ ha Diskanañ. (Le cheval blanc) |
| Mat eo evit ar poent. Warc'hoazh ' vo gwelloc'h... Kasit ur mel din. Kenavo. |
| Annuaire musique |
 |
|
||||
 |
 |
Guide Annuaire | ||||